macbook推流软件（箩文教你PC）

十二月 7, 2015 • 实用技巧, 手提电话 •

用开 Android 嘅你一定有依个疑问，究竟可唔可以唔用手机，用电脑黎 Up 相上 Instagram 呢？用电脑玩 Android Game 又得唔得呀？Android 模拟器 BlueStacks 近日就推出新版 BlueStacks 2，新功能不外乎一啲介面嘅改良，想知道点玩就继读阅读啦！

新版 BlueStacks 2 可同时执行更多 APP

无论你系用 MacOS 定 Windows，都有方法可以令你部电脑运行到 Android App，就系使用 Android 模拟器。市面上都有不少选择，例如 DuOS、Genymotion 等，但要算到最易用又最多人用，就不得不提 BlueStacks。无论你系用 MacOS 定 Windows，只要上 BlueStacks 官网就可以免费下载此模拟器， BlueStacks 近日就推出新版 BlueStacks 2，但只限 Windows 平台。不过旧版同新版都系大同小异，以下箩文会以 Mac 机用 BlueStacks 1 作示范。

超简易介面 快过用手机

基本上操作同普通 Android 手机冇大分别，亦都系去 Google Play 下载 Apps。由于电脑配置通常比手机高，介面操作好顺，连下载 Apps 嘅速度都特别快！

当你成功安装，就可以启动 BlueStacks。

刚开始只有相机、Facebook等几个 App，要下载其他 App 就要㩒左上角搜索

搜索栏上输入 App 的名称

就可以去到 Google Play 页面下载 Apps。

用黎玩 Game？

好多手机游戏都系冇电脑版或 Mac 版或者手机版系免费又比较好玩，例如 Fallout Shelter、The Sims Free Play、Need For Speed No Limits，如果想玩就被逼要拎住部手机做低头族。不过唔洗怕，只要有 BlueStacks，就可以用电脑玩 Android Game！但系当然都有唔少限制，例如电脑冇水平仪又冇 Touch Screen，或者可以增加游戏嘅挑战性…

第一只 Game，我 Download 咗 Angry Bird，一开 Game 时 BlueStacks 仲弹出指示话我知有咩 Hot Key。

用 MacBook Pro 嘅 TouchPad ，对住个大芒，系爽过用手机玩好多，除咗 Drag & Drop，连 Zoom-in, Zoom-out 都可以用 TouchPad 控制。

第二只 Game，我 Download 咗 Need For Speed No Limits，预设控制方法系需要 Tap 两边，TouchPad 完全玩唔到。好彩可以喺暂停 Menu 度转操控方法

箩文将操控由 Touch 转到 Virtual Steering

依家只要喺 TouchPad 左右 Drag 就可以转向，爽！

第三只 Game 系 Crossy Road，依只真系 BlueStacks 完美支援

可以用方向键完美控制

用黎玩 Instagram

唔用手机都可以用电脑玩 Facebook，但系 Instagram 就唔同，Web 版功能欠奉。本身箩文都有用一啲第三方阅读 App，例如 Grids For Instagram 等喺 MacBook 上浏览 Instagram，但 Instagram 为免影响广告收入，近期大举封杀依类程式，本身俾咗钱买 App 嘅箩文都感到十分无奈。所以下面箩文就会介绍一个方法让你可以用电脑轻松浏览 Instagram ，兼且可以从电脑 Up 相上 IG！

当然首先要从 Google Play 下载 Instagram，登入 IG 帐号后你可能会遇到此情况…

张张相都显示到咁大，点睇得晒呀！唔怕，以下系解决方法

首先退返去 Home Screen，按 BlueStacks Setting > Change App Size

将 Instagram 一栏，由 Tablet 转到 Default。

搞掂！如果遇到其他 App 有显示上嘅问题都可以尝试用此方法解决。

用电脑 Up 相上 Instagram － 用视像镜头影相

首先你可以用电脑嘅视像相机影相，不过依个 Live Preview 嘅影像会拉长咗

但影完出黎又冇拉长到

用电脑 Up 相上 Instagram － 拣相 Upload

黎到戏肉，就系从电脑拣相 Upload 上 Instagram。除咗 Instagram 之外，你需要先于 BlueStacks 下载一个档案管理 App，以下会用 ES File Explorer 示范。

照样好似平时咁，按下 Instagram 底部蓝色制

你会发现冇相片俾你拣。到萤幕上方按下 Gallery，就会弹出几个位置供你选择，然后按下 Other。

黎到依页，我哋拣返头先 Download 咗嘅 ES File Explorer。

到 sdcard 揾 「windows」（即使用紧 Mac，资料夹名都系会叫 windows）

windows 资料夹入面你会见到几个资料夹，其实 Documents 就正正对应 Mac 机入面嘅Documents资料夹同埋 Windows 入面嘅 My Documents 资料夹。Pictures 亦都系同样情况

拣返你想 Upload 嘅相就可以架啦！

我就拣咗一张早前用相机影完，喺电脑用 Photoshop 执过嘅相，依家可以直接用电脑 Up 上 Instagram，唔使又要经手机咁麻烦。

新版 BlueStacks 2 新功能

BlueStacks 近日就推出新版 BlueStacks 2，但只限 Windows 平台，操作介面上更 User-Friendly，飞走 Android 原生嘅返回制、Home 制及 Menu 制，换黎系一行常用捷径，包括直接从电脑分享档案到 BlueStack 2、直屏横屏切换、Screen Cap 等等。并且加入类似网络浏览器原素，将正在使用嘅 Apps 用 Tab 显示，一目了然，更方便地 Multi-Tasking。可惜 Mac 机用家就要等下啦…

操作介面上更 User-Friendly，飞走 Android 原生嘅返回制、Home 制及 Menu 制，换黎系一行常用捷径，包括直接从电脑分享档案到 BlueStack 2、直屏横屏切换、Screen Cap 等等

并且加入类似网络浏览器原素，将正在使用嘅 Apps 用 Tab 显示，一目了然，更方便地 Multi-Tasking。

箩文：「Mac 机终于有多啲 Game 玩」

用 Mac 机嘅朋友就知我讲乜，见到人哋 Windows 咁多 Game 玩，有时真系几葡萄。好彩依家有 BlueStacks 可以玩下 Android Game，虽然有啲 Game 都唔支援，由其以陀螺仪控制嘅 Game ，但系总叫多咗选择。兼且有时用 Photoshop 执完相要 Up 上 Instagram 就要用 Google Drive 又或者 Dropbox 等过落手机再 Upload，虽然需时都唔算长，但系用 BlueStacks 就可以全程喺电脑上进行，既方便又快捷。希望 BlueStacks 2 快啲出 Mac 版，咁就更加 Perfect！

官方网址 :http://www.bluestacks.com