看港产片要不要原声（学粤语的确好使）

寻日，一个外地嘅羊城网粉丝（粤语初学者）问我：“阿咩，我依家嘅广州话基本上可以同广州人交谈，但系有时广州人讲嘅俗语我就完全听唔明！点算好？”

相信都有唔少学紧粤语嘅人都会遇到呢个情况，因为有时广州人，都可能听唔明“火烧旗杆”系点解......

呢种情况，我就建议各位自己友，睇多几出80、90年代嘅港产片。港产片嘅黄金时代，亦都系粤语文化喺电影界被运用得最贴地嘅年代！

就好似以下呢啲：

《唐伯虎点秋香》

原句为“风吹灰卵壳，财散人安乐”———出自《增广贤文》

相传，有一个又穷又孤寒嘅人，有一次出门搭船赶水路，三四日路程。为咗悭钱，只带咗一个咸蛋（灰卵）充饥。三日了，一只咸蛋都仲未食完，咁啱佢呢日坐喺船头食咸蛋嘅时候，点知一阵风，将咸蛋壳吹咗落水，佢觉得非常可惜，所以对住水中嘅蛋壳轻叹：“风吹灰卵壳，财去人安乐！”。

而“风吹鸡蛋壳”嘅意思系：担心鸡蛋打碎，蛋白同蛋黄就全部都冇晒，只剩低鸡蛋壳。不过，只剩下鸡蛋壳嘅话，就算几大风，都唔会再失去啲乜！

所以“风吹鸡蛋壳，财去人安乐”更多系指呢个意思：财富同鸡蛋一样咁容易失去，如果唔将财富睇得太重，就唔会患得患失，人自然都会豁达开朗。

《秋天的童话》

“加面”、“扣面”、“加底”、“扣底”都系茶餐厅用语。碟头饭，一只碟装满饭，饭面上再装餸，所以唔难理解：底-饭、面-餸。

如果今日胃口唔太好，唔想食咁多饭，可以同伙计讲“扣底”；相反，如果今日冇食早餐特别饿，就可以同伙计讲“加面加底”！

广东人凡事都钟意讲“意头”，尤其系烂赌之徒，最忌“书（输）”！所以含有“书”嘅词，赌徒都会用“胜”、“赢”代替。

例如：

1、读书=读赢（一语双关，‘独赢’）

2、书架=赢架

3、书枱=赢枱

4、通书=通胜（即系黄历）

好多人对“观音头扫把脚”都有误解，以为系形容一个人嘅容貌或者身材唔好。而系形容一个人穿着搭配奇怪，例如西装配拖鞋......都可以用嚟比喻：一件事开头精彩，但结局令人失望。

都提醒大家，唔好话人生得“观音头，扫把脚”。

《算死草》

1、标松柴：

粤语里面“标”字可解作“被掠夺”；松柴系就是饮食店、酒家极其重要嘅嘢，因为火力猛，生火快捷，亦常用来熏制红茶，“标松柴”就系指喺食店、茶楼、酒家做嘢嘅人，偷走公司嘅松柴等资源，据为己有，简单啲讲，即系“穿柜筒底”。

2、标虫柴：

柴里面有蛀木嘅虫，正如“标松柴”解释过嘅， “柴”系旧时饮食业嘅重要财产，而呢度嘅“虫”就系指穿柜筒底嘅人；亦有比喻职员懒惰、消极怠工。

麻雀术语，如果怀疑有人出老千，可以要求过牌，一般系“过三栋”，咁样一嚟，牌就会乱晒，老千想赢都难。

只不过，如果只系“过一戙”嘅话，反而可能将好处畀咗其他人。所以“俾人过一戙”嘅意思系：想搵人笨，反被别人搵笨。（最常用嘅意思系：搵人笨。）

《古惑仔之人在江湖》

形容一个人经济状态唔稳定，一时有钱，一时又穷。

三更：午夜十一点到一点。

五更：凌晨三点到五点。

相隔几个钟，但系“三更穷，五更富”，所以最适合用嚟形容投机买卖者、赌徒、黑社会之类从事“高风险、高回报”嘅人。

如果你想自己嘅广州话更上一层楼，

不防睇多几出香港电影。

,