盘点星爷影片中的经典场面（星爷麻鬼烦田鸡肥仔聪爆少林足球秘闻）

大家估唔估到边个？

「金像经典，由我嚟选！」东网邀到一百位艺人选出金像奖经典电影No.1，结果由周星驰集编、导、演于一身的电影《少林足球》以30票夺得！星爷与众师兄弟一定非常高兴，日前三师兄田启文（田鸡）以及六师弟林子聪（肥仔聪）接受东网访问，大谈拍摄该片的三大秘密！

百星最爱《少林足球》田鸡（中）、林子聪（右）接受缤FUN主播斯菲访问。

肥仔聪话因为只脚伤咗，尾场一幕跑唔到，所以有穿崩位！

田鸡爆《少》原本有一位「神秘演员」！

「神秘演员」惨被Cut走

第一个秘密大家一定唔知，田鸡先爆该片其实有位「神秘演员」，但因周星驰最终换了另一段「汽车维修员」冯勉恒的戏，令这位「神秘演员」惨被Cut走，原来他就是林盛斌（Bob）！田鸡说：「Bob当时啱啱喺外国返嚟，揾咗佢拍沙地一场踢波戏，本来拍好晒OK咗，但星爷谂谂吓又Cut咗佢，改咗汽车维修员段，呢部应该系林盛斌第一部戏，但冇人知。」肥仔聪补充：「其实有问过佢，愿唔愿意留多几个月再试，但因为佢要返电台，所以冇办法留低。」

位就系Bob喇！

最后畀「汽车维修员」冯勉恒顶替咗。

肥仔穿崩位从来冇人知

第二个秘密就是「穿崩位」，肥仔聪说：「唔少人同我讲睇咗几百次呢套戏，但佢哋都睇唔到入面有个穿崩位，就系我拍嘅时候曾经因为断威吔跌伤只脚，所以尾场成班师兄弟冲出去踢波场，我系冇跑到，因为根本跑唔到。但镜头一转，我又喺个球场上，好似鬼影变幻球咁突然出现，真系要非常留心先会睇到。」

呢一幕戏拍完又拍，追求完美。

星爷翻兜加场口冇人敢出声

第三个秘密，就是周星驰认真带来的麻烦！田鸡与肥仔聪指当年电影开拍，先在珠海拍摄「大师兄」黄一飞的酒吧戏份，竣工后，大队飞上海继续拍，但因为周星驰「念念不忘」总觉得酒吧戏份尚有发展空间，所以一声令下，大队又翻兜扑返珠海重新搭景再拍，不惜工本之余，亦尽显星爷拍戏的霸气，每个细节执到正，笑片都拍得非常细致认真！

资料来源:东网

,