吴卓羲谈林峰与马国明（林峯马国明陈键锋）

下个月就系TVB台庆，每年都系全台艺人出动嘅日子，不过近晚金牌监制潘嘉德举行70岁大寿暨荣休晚宴，出席嘉宾可能比台庆更星光熠熠。

除咗《少年四大名捕》吴卓羲、陈键锋、林峯及马国明难得合体，仲有阿姐汪明荃、李克勤夫妇、梁汉文、车婉婉、周励淇、高海宁、陈智燊宋熙年、胡杏儿等。

因为拍摄潘嘉德监制嘅剧集《On call 36小时》，擦出爱火花嘅杨怡以及罗仲谦拍拖到贺，佢地话多得德哥呢个媒人先可以修成正果，当正佢系爸爸一样。

最好笑系到夜晚9点几仲未散席，罗仲谦就上载一张扁晒嘴嘅相，老婆杨怡就挨埋《On call 36小时》中嘅老公「一件头」马国明膊头，谦仔留言话：「你们旁若无人，叫我情何以堪呢？」

当中最引起网民讨论嘅一定系《少年四大名捕》吴卓羲、陈键锋、林峯及马国明难得合体，而做咗人母嘅胡杏儿就喺微博上载加上人妻杨怡嘅六人大合照，不过佢就觉得差咁个人，佢就系叶璇喇，杏儿留言：「难得的合照，我觉得还差叶璇，你们觉得呢？」

而被tag嘅叶璇就上载自拍回应：「我正在地铁站通顶演持枪悍匪啊[笑cry]！我的心跟你们在一起」

网民就留言话呢个组合谂起《冲上云霄》、《再生缘》、《西厢奇缘》，不过仲有人神回：「其实还缺一个Bosco（黄宗泽）！」原来寻日杏儿旧爱Bosco去咗郑州工作，唔知如果喺香港佢会唔会去呢？