广州白云区哪里野果好（你知道广州有过）

月黑风高

子夜开始，天光前散水

……

冇有使惊住！我哋讲嘅“鬼市”，其实就系“天光墟”。“天光墟”系广州一景，极具岭南文化特色。识得讲“天光墟”，讲明你对广府文化有多少认识。因为“天光”系粤语“天亮”嘅意思。“天光墟”唔系天光先有，而系“天光”就散。

“天光墟”以前叫“鬼市”，历史悠久，据讲系因为四乡人入城摆卖，预早唔预迟，往往入到省城天未光，于是摊照摆，嘢照卖，到咗天光，生意已经做完，于是有咗“天光墟”。

题图：荆方

广州嘅“天光墟”，据讲最早喺西来初地，近几十年又多次搬迁，以摆卖古玩为主。买古玩讲究经验，好容易买到赝品。卖家摆摊，货物来路自己知，买货者，抱住“执死鸡”心态，信自己有眼光，有运气，可能有日低价“执件宝”，就一朝发达。

呢家嘢，最好就喺黑暗中交易，呢个亦都系天光墟吸引人嘅地方。听讲天光墟旧时有博物馆专家，驻广州外国领事，甚至市长都有光顾。

每周二凌晨，广州文昌北，古玩爱好者陆陆续续的聚集在此淘宝

在天光墟，甚至还可以买到兵马俑！

电筒是赶“天光墟”必备工具

小编同好多街坊一样，行天光墟都系睇热闹多，感兴趣嘅唔系古玩，而系一般二手生活用品。

“想当年……

曾经见过布满油迹嘅排气扇、旧皮鞋、旧波鞋，要价几蚊，还价就卖，极有可能系“爱干净”嘅住户，脱鞋进屋，门外鞋就俾人收走贱卖。我甚至见过用橡筋捆住嘅几十个身份证，十蚊随便挑，显然系“打荷包”得返嚟嘅。咁样嘅二手商品，各式各样，只要唔介意，随时以极便宜价格，执到宝。

“可惜“天光墟”今时今日经已难觅芳踪……

日前小编特登早起走咗一趟文昌北天光墟，只见水静鹅飞，鬼影都冇只。次日再去一趟海珠广场，同样静幽幽。后来听讲河南仲有墟，于是便过海珠桥去到南华路，果然见路边摆了好多如旧家用日常旧货。

▼ 如图 ▼

小编觉得，天光墟作为广州市井商业文化发达的一个例证，物尽其用互通有无的民间自发形成的商业模式冇咗，广州多少失去了一点滋味。那些习惯早起的市民，从此就冇咗晨早瞓唔着觉，落街在旧货甚至假货中淘宝寻宝的乐趣与可能，实在可惜。

来源：讲嘢（ID：speakcantonese）