广州人的生活是怎么度过的（你哋竟然可以喺广州生活咁耐）

最近有个外地嚟嘅朋友问：你哋D广州人究竟点係广州生存咁耐嘅？

正Gor：丟，有几难喈！

朋友：咁你知唔知呢度喺边度啊？

正Gor：黄沙咯！猪兜！

朋友：........

（之后呢个朋友都冇再联系过我了，唔通正Gor太醒目都错咗？！）

emoji广州

不过广州人又真係几千奇百趣嘅，连地名都可以用emoji表情讲出嚟。

唔知同喺广州人嘅你哋，又可唔可以认出晒下面全部广州地名咧？

（答案在文末）

大广州真係好多重复嘅地名！！！有时连老广约人，都要再讲清楚边个区边个位置。

未就会发生10个人都有可能去错10个唔同嘅大塘。

係啊冇错，广州真係有十个大塘！

十个大塘

越秀区大塘街喺文明路过去嘅一条不足400米嘅窄巷，原来以街命名的小学——大塘街小学已经更名为秉正小学，而依家就仲保留住大塘街幼儿园，位于大塘街54号。

海珠区大塘村最出名因为地铁三号线大塘站，村口原来两个大水塘，依家水塘填平咗，就净翻个大塘涌。广州出名嘅烧腊店“大塘烧鸭”都喺度发源：海珠区大塘村聚德西路3号的大塘烧鹅赤岗店。

花都区都有个大塘村，距离花都市区18公里，离花东镇3公里。全村面积约2.1平方公里，下辖10个村民小组，总人口2170多人。

天河区车陂路进入车陂村西华大街，福祚苏公祠前有一池塘水附近就喺大塘中街了。

黄埔区九龙镇的“大塘”，喺帽峰山下，已经改名为新村，依家只保留少量写住“大塘”嘅门牌。

白云区环滘村有大塘一巷、大塘二巷依次数过来，再向前D仲有一个大塘西小区。

而远D嘅仲有广州南沙区黄阁镇大塘村；番禺区大塘街位于南村镇草堂村；增城区位于大塘街新塘镇龙塘村；而从化只有一个名为大塘的水库。

两个前进

海珠区前进路有河南人最熟悉嘅海珠状元坊，同学生哥最爱10几蚊就可以唱到K嘅糖果KTV。

而番禺区前进街喺番禺市桥街大北路附近。

两个西华

海珠区嘅西华街喺沙园市场附近，喺广州最大菜市场之一，每日都好多叔叔阿姨山长水远跑过嚟买菜，好多嘢喺其他市场都买唔到。

荔湾区西华路属于广州西关历史街道，有好多特色建筑同传统美食。

两个大南路

越秀区大南路喺北京路附近，成条街主营家居灯饰、墙纸等装饰材料。

而番禺区都有个大南路，喺大夫山森林公园附近。

两个宝华路

荔湾区宝华路喺由长寿路地铁站恒宝广场去上下九嘅必经之路，路上有陈添记鱼皮、顺记冰室等广州老字号美食店。

另外花都区宝华路就喺花果山公园附近。

两个南村

海珠区江南大道南村依家已经变成街道，去江南西嘅人都会喺南村车站落车。

而番禺南村就相对嚟讲大好多，面积47平方公里，居住人口有30多万人。

两个石溪村

海珠区工业大道嘅石溪村依家基本都变成租俾外地人住嘅，正Gor最印象深刻喺拜山会去嘅思亲楼就喺石溪！

另一个石溪村喺天河区黄埔大道，毗邻杨桃公园。

三个棠下

白云区、天河区、萝岗区都各种一个棠下村。搞咩啊！真係连广州人都一时三刻分唔清边个打边个啊！

“广州”唔係广州

而唔知因乜原因，广州好多地名都係乱嚟嘅。

比如话...

海珠路唔喺海珠区，喺越秀区；

海珠广场都唔喺海珠区，喺越秀区；

黄埔村唔喺黄埔区，喺海珠区；

黄埔大道都唔喺黄埔区，喺天河区；

白云路喺花都区，越秀区，番禺区，就偏偏唔喺白云区；

中山大学就唔喺中山嘅，喺广州；

南海中学都唔喺南海，初中部在荔湾区西华路，高中部在荔湾区富力路；

天河学院唔係天河，喺白云区；

东晓南地铁站唔喺东晓南路，出站要行成20分钟先去到。

喺广州生活，已经唔係地理好就可以解决嘅问题，想搵啱条路，真係少D脑力都唔得！

emoji估广州地名答案

1、宝源路 2、如意坊

3、广州火车站 4、鱼珠

5、三元里 6、中山六路

7、珠江新城 8、彩虹桥

9、六二三路 10、同心路

11、上下九 12、海心沙

13、车陂南 14、飞翔公园

15、万胜围 16、东山口

17、五山 18、棠下

19、海珠桥 20、八旗二路

21、人民公园 22、双桥路

23、天河客运站 24、白云公园

25、百灵路 26、文德路

27、公园前 28、花地

29、大学城南 30、一德路

31、六榕路 32、白云山

33、嘉禾望岗 34、明心路

35、执信路 36、燕塘

,