曾华倩方力申完整 方力申奉旨赞爆陈滢

由叶念琛执导嘅电视剧《美丽战场》

喺前两日正式杀青

一众演员聚会庆祝

女仔人人收花、男士全员有香槟

一片欢乐

呢部电视剧由构思开始

就被誉为《家族荣耀2.0》

讲嘅係一班曾经嘅好姊妹

长大后渐渐反目成仇、

勾心斗角嘅故事

大家好关注嘅

叶念琛“永远嘅女主角”阿宝

今次就由陈滢担任

由于佢嘅演技&形象

其实大家都有好多声音

再加上今次喺部戏里面

同“阿宝”搭档嘅男主角

正是陈滢嘅“绯闻男友”方力申

两人可以话係“奉旨拍拖”啦

喺一次探班采访中

陈滢啱好就穿上礼服

拍摄参选港姐嘅戏份

本来佢就努力keep fit

谂住以最靓状态见人嘅

点知咁啱又撞正身体不适

所以水肿严重

大概真係“情人眼里出西施”

喺“男朋友”小方眼中

就算陈滢咁嘅状态

企喺一堆“港姐”入面

小方依然话：

“一眼就睇中，係我心目中嘅冠军”

……嗱……

其实上述就係剧情安排嚟嘅

至于现实中两人发展到咩程度

可能真係要等佢哋自己官宣啦

作为一部讲女仔“宫斗”嘅电视剧

除咗“阿宝”陈滢之外

当然唔少得其他靓女参演

同陈滢一样会“参选港姐”嘅

仲有平时一直演人“细妹”嘅蒋家旻

佢曾经係叶导演钦点嘅“阿宝”

据闻今次就会饰演

长大之后“心地唔好”嘅角色

对于“做港姐”呢件事

蒋家旻就话

自己每日都演到“筋疲力竭”

好似同大boss打完架咁

更“可怜”嘅係

为咗打造佢“唔讨人喜欢”嘅人设

导演更要求其他演员都冷落佢

令佢戏里戏外都有被人排挤嘅感觉

陈滢&蒋家旻两个

就话演的好辛苦

但真正港姐出身嘅刘佩玥

参演呢部剧就表示自己好开心

因为自己连高踭鞋都唔洗着

日日波鞋运动装咁

扮演一位毒舌记者

但作为一位“过来人”

阿moon都话有传授一啲

做港姐嘅经验俾两位同事嘅

另外一位港姐出身嘅朱晨丽

虽然佢个角色具体情况仲未知

但从剧照造型可以睇出

好靓、好磢镜啰

睇完呢啲剧透

唔少人质疑：

点解叶导演会咁安排角色？

港姐唔演“港姐”

壮实嘅唔演“强悍记者”

甚至仲安排

阿Bob同阿moon有love line

可能导演选角真係有特别用意

不如大家都係等正片出街

一起睇睇究竟有冇惊喜啦

Color周年庆彩蛋时间

最长情嘅告白就係陪伴

多谢各位粉丝BB

一直咁支持Color

同我哋一路相伴，一路成长。

今年特别为大家

准备咗两个大礼包！

快啲嚟带走佢哋啦~

MORE

今日娱乐看点

林峯、吴卓羲合拍大片

“大唐双龙”兄弟喺综艺里合体

引发大家开高度关注

最近佢哋一起合拍时尚大片

唔知边位哥哥最合你意

《脱口秀大会5》选手官宣

新一季嘅《脱口秀大会》阵容官宣

不仅有老熟人庞博、王建国、呼兰等等

仲有小鹿、拉宏桑、邓男子等人加盟

各位有“梗”之人齐聚

一定可以炸翻现场

王源新歌上线

王源嘅全新单曲

《天亮一起追太阳》正式上线

喺MV中佢化身sunny boy

同阳光玩游戏

寓意自己不断出发嘅勇气&心情

资料来源：微博、综艺剧照、

网络信息综合整理

编辑：郭玮

审核：曾敏妍

签发：骆苹

*文中图片版权归原作者所有，

如涉及侵权请联系，立即删除

扫描下方二维码订阅

【微店】可乐生活小店

【淘宝】羊晚生活馆

【邮政】中国邮政微邮局

▼

>>>

一次过get可乐报详细内容

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

官方靓仔可乐君（handsomecolor）

,