粤语动词常用（粤语词汇直不甩係指物）

通常形容物体非常笔直，粤语有个词叫直不甩。首先讲下个“甩”字嘅读音，甩此处读成lat1音。直不甩口语经常用到，譬如话个保安直不甩咁企向大门口守住。甩粤语中一般意思係松脱、散落，咁不甩到底又係何解呢？

原来不甩同甩就无关系，不甩只係一个借音字，佢原本写作不律！不律又係物呢？不律其实就係笔！话说古人（据说是蒙恬）发明咗笔之后，传到全国各地，但因为係新鲜事物，各处方言发音有所区别，于是用接近的读音字来表达笔尔样物件。就类似我哋最初称电话作“特律风”，计程车做“的士”一样。“笔”古字典係咁解释：秦谓之笔，吴人谓之不律，燕谓之弗…。可见无论你读不甩抑或不律，本意都係笔。因此直不甩其实就係笔直（如笔一样挺直）咁解，另外口语还有讲尖不甩，就係如笔一样尖。

当然时至今日，汉字已经规范统一，唔会七国咁乱睇唔明白，而我们亦有普通话可以互相沟通。但方言亦需要保留，毕竟佢都係中华文化的传承，正如粤语，有如此长的历史，平、上、去、入四声皆有，说话抑扬顿挫，词汇丰富生动，如果以后只能在博物馆里听到，岂不可惜？