城寨英雄花曼第几集下线（城寨英雄删减片段曝光）

TVB剧集《城寨英雄》终于大团圆结局，“刁兰”胡定欣同“拳佬”陈展鹏一招法式湿吻，成功打败“终极Boss”砵仔糕老板“杨竹銮”（欧瑞伟饰），都真系几surprise，仲有网民想“花曼”王君馨同“龙成虎”伍允龙翻生，话佢哋之前牺牲得好唔抵！

之前花曼一死令王君馨人气爆灯，连陆永嘅囡囡都因为佢“惨死”而喊到啜泣，总之就全城陷入洋葱状态。早前王君馨就爆料指“花曼”会喺最后一集入面再度登场，佢仲喺寻日结局出街之前就写晒文上社交网，话约定大家喺佢同“牙佬”袁伟豪定情嘅九记面档见，仲讲到不见不散咁话。

寻日睇完成个结局，大Boss死咗，刁兰同拳佬双宿双栖，咁花曼呢？原来本身佢同牙佬仲有一段温馨谈情戏被删，佢自己本身都好期待㗎，仲话系佢自己好锺意嘅一场戏㖭，可惜……最后都系冇播出街，都咪话唔sad！王君馨写道：“一场我很喜欢的戏，但最终却没有在萤幕出现。即使他们相隔很远，但他们的心永远在一起！”

看2016年TVB剧集，了解最新资讯！微信添加公众号ID：ChannelTVB

30万TVB粉丝都关注的公众号，两秒添加关注，从此看TVB剧（港剧）不发愁！