长官调戏周星驰剧照（痞子殿下获封无厘头刺客）

周末的快乐未够喉？

等Color带你睇部

轻松、搞笑嘅下饭剧

触发欢乐爆笑时刻！

《痞子殿下》聚齐周嘉洛、陈滢、

朱敏瀚、王灏儿（JW）

四位新生代演员首担大旗，

呢个阵容搭配既让观众有新鲜感，

又令人不禁担忧，

呢班新仔嘅演技究竟掂唔掂噶。

其实观众嘅担心并非无道理嘅，

尤其係戏份最重嘅

男主角周嘉洛同女主角陈滢。

陈滢作为呢几年

TVB力捧嘅花旦，

出品多、上位快，

但观众缘就麻麻哋啦。

去年凭一己之力

让欧阳震华、马德钟、

万绮雯等主演嘅《伙计办大事》

硬生生变成《陈滢办大事》，

戏份重但演技又跟唔上，

更让好多观众患上“陈滢ptsd”。

而首担男主嘅周嘉洛

同样係近年备受力捧，

演技同观众缘好啲啲。

在2019年TVB万千星辉颁奖典礼上，

佢凭处境喜剧

《爱·回家之开心速递》

“废青安”金城安一角，

成为TVB历年来最年轻

兼“自己颁奖俾自己”嘅最佳男配角。

也因为“废青安”太深入人心，

今次在《痞子殿下》中演绎嘅

角色又係比较有喜感，

好多网友觉得佢

无论语气、动作、表情，

定係讲对白的方式都

仲未脱离“废青安”嘅影子。

虽然一班“新仔”演技唔够，

但好彩嘅係《痞子殿下》

有几样嘢来齐齐搭救！

走无厘头喜剧路线嘅《痞子殿下》

力求跳出传统古装剧框框，

虽然披住古装剧嘅外皮，

但内里嘅剧情设定、

角色对白等都比较现代化，

所以你可以喺剧中见到一班“古人”

唱卡拉OK、搭的士、蒲吧等。

同广东人嘅童年回忆

《乘龙怪婿》真係有几分相似。

无厘头混搭嘅喜剧画风，

本身就要求演员表演要夸张啲，

所以“新仔”们嘅青涩演技，

放到呢套戏中

都唔算太生硬、违和。

戏中嘅配角都功不可没

不但有曹永廉、吴岱融、

戴耀明等实力戏骨担演重要配角，

村民角色更出动数十名绿叶演员，

镜头扫过嘅都係熟面口，

剧中好多笑点都係由佢哋承担噶。

剧中不但为呢啲“茄咧啡”

设计人物性格及造型，

更尽量安排他们在每集中穿插，

让佢哋得到更多、更好的发挥空间。

此举也係该剧向被视为

TVB宝藏的绿叶演员致敬。

而承包最多笑点嘅都係剧中

疯狂加插的玩梗致敬部分。

复刻王家卫电影《旺角卡门》中的

张学友经典表情包↓

还原《逃学威龙》电影中

吴孟达“我仲未上车”名场面↓

cue《功夫》的如来神掌↓

致敬《九品芝麻官》经典情节↓

模仿周星驰式喜剧桥段↓

另外，仲向富有大台特色嘅

粤语长片、大型综艺节目等致敬，

包括穿插港姐经典音乐、

数白榄式粤语押韵rap、

以及以往粤语长片特有嘅

将剧情唱出来的“歌舞”场口等。

虽然都係“炒冷饭”，

但呢啲彩蛋式致敬回忆杀

完美勾起观众的港片回忆。

《痞子殿下》呢个剧名

官宣时曾被吐槽唔够粤语，

不过唔紧要

剧中报复式输出海量粤语谐音梗，

满足晒你嘅“粤语耳”。

好似男主角色名叫“纪威”

谐音“几威”（普通话“多么威风”）；

女主角色名“纳克温柔”

谐音“立刻温柔”；

“首振镇”谐音“手震震”……

“坚定楼”谐音“坚定流”

（翻译成普通话：“真还是假”），

“大萨三坊”谐音“大杀三方”，

最犀利都係“碧璧青楼”，

谐音“big big chanel”

（TVB自己嘅资讯平台）

顺手打埋一波广告。

除咗谐音梗，

仲有“本名出演”“官方吐槽”等

戏剧常见烂gag，

“烂”得嚟又几好笑。

其实除咗武侠、宫斗等题材

自带buff嘅古装剧

TVB嘅古装喜剧曾经都係

在哪有观众缘嘅剧种，

但近年嚟就有啲不进则退了

桥段老套、场景简陋、

服化道孤寒不考究等问题

频频出现，备受吐槽

《痞子殿下》作为近两年

为数不多嘅TVB古装喜剧

其实并冇解决“过时”嘅问题，

不过靠住颇有趣味的人物关系，

以及都几有新鲜感的设定，

确实係部好啱送饭嘅合格喜剧啵~

《痞子殿下》你睇咗未？

边个致敬/玩梗情节最打动你？

欢迎留言同我哋分享吖~

MORE

今日娱乐看点

微博电影之夜今晚举行

邓超、李冰冰、李宇春、

李易峰、刘亦菲、马丽、

宋佳、沈腾、王俊凯、王一博、

谢霆锋、姚晨、周笔畅、

周冬雨、周深、朱一龙等

众多嘉宾都将亮相。

认真搞事业的吴倩状态好

吴倩最新写真照释出，

一身米色露肩纱裙

造型青春又灵动，

好多网友都话

吴倩自离婚后状态大勇，

认真搞事业的姐姐靓出新高度。

《断·桥》票房破亿

据猫眼专业版数据显示，

由李玉执导，方励监制，

马思纯、王俊凯、范伟

主演嘅电影《断·桥》上映2日，

总票房（含预售）破亿！

资料来源：剧照、微博

网络信息综合整理

编辑：陈祉伶

审核：曾敏妍

签发：骆苹

*文中图片版权归原作者所有，

如涉及侵权请联系，立即删除

扫描下方二维码订阅

【微店】可乐生活小店

【淘宝】羊晚生活馆

【邮政】中国邮政微邮局

▼

>>>

一次过get可乐报详细内容

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

官方靓仔可乐君（handsomecolor）

,