香港有个荷里活预告片（延嬉宫女衝出国际）

内地剧集《延嬉攻略》中港台三地热播中，剧中主要演员聂远、吴谨言及秦岚等凭片爆红，原来当中饰演奴婢嘅角色都被起底，当中高贵妃身边嘅宫女「芝兰」施予斐原来做过荷里活片女主角，仲要当年杨幂都曾为佢抬轿，又同周杰伦拍过广告，真系唔讲唔知！

有八分之一乌克兰血统嘅施予斐，刚出道时叫做施艳飞，18岁就同周杰伦拍广告，隔年就同赵文卓合作《雪域迷城》做女主角，2007年又主演法国片《奶昔》，仲因而踩过上康城影展红地毡。又曾孖陈乔恩演出《既然青春留不住》，以及张雨绮、权相佑、霍建华参演嘅电影《情敌蜜月》。

去到2008年，施予斐又主演投资过亿美元嘅荷里活科幻片《人鱼帝国》入面嘅人鱼公主，而同片嘅杨幂就沦为配角，而施予斐当时受访仲好大口气话自己比巩俐、章子怡喺荷里活星途更顺畅：「机遇很重要，但更重要的是实力，我的美在荷里活是众人称讚的，我的实力也是有目共睹的，我在荷里活的星途绝对比巩俐、章子怡更加顺畅，因为我的起点比她们都要高。」

不过《人鱼帝国》就曾被评为中国影史「最贵又最难看」电影，至今仍未有片商愿意发行。