周星驰算死草发型片段粤语（周星驰粤语版算死草）

中途揾线索（陈梦吉，阿仁同埋龙二哥夜晚去到案发现场揾线索）陈梦吉：真系圆月弯刀。真系血滴子。啊！龙二哥：有妖气！（突然发现地下猫嘅排泄物）陈梦吉：咩嚟架（什么呀）？龙二哥：系猫嘅排泄物。陈梦吉：（好诧异噉望住龙二哥食猫屎）你饿成噉样样？龙二哥：可能系重要嘅线索。陈梦吉：何以见得啊，龙二哥？龙二哥：就凭我“龙二哥”三个字！阿仁：呢度好多重要线索，系我踩入嚟架。（除咗只鞋畀龙二哥）陈梦吉：嗰只鞋有冇呀？阿仁：（脱下另一只鞋子）好多啊！陈梦吉：畀埋阿龙二哥喇！线索好重要咖！叫声龙二哥添！阿仁：龙二哥！

（龙二哥将耳仔贴喺地下）龙二哥：嘘！听到脚步声，越嚟越远，越嚟越远！（其实系陈梦吉同阿仁走嘅脚步声）陈梦吉：夜嘞，龙二哥，收皮啦！（陈梦吉、阿仁同龙二哥返到住处）阿仁：又圆月弯刀，又血滴子，成（整，较常用）件事一定早有预谋。陈梦吉：今日嗰个主控官咁窜（这么嚣张），系咩料嚟？龙二哥：猛料！咁啱得咁巧系死者何春嘅老世（老板=老细）叫何中。陈梦吉：噉呢个何中有冇老世呀？吕忍：有。咪就系佢老窦何西啰。陈梦吉：何西？吕忍：行政立法两局首席议员，生意遍布全东南亚，重有西环几条街都属于佢嘅何西。陈梦吉：西？西？阿仁：系西吖师父？陈梦吉：一提起个西字，我就……阿仁：好兴奋咧，师父？

陈梦吉：冇错。因为我醒起（想起，突然发觉，不同于谂起）阿欢都有一个西——字嘅玉佩架。话唔定（说不定）内里有文章添呀。（转身执起笔）呢单嘢分分钟同阿欢嘅孤儿身世有关。吕忍，何西为人如何？吕忍：信奉天主，正直不阿。陈梦吉：好，阿仁，速速将呢份嘢交畀何西，务必要佢嚟法庭见见阿欢为止。阿仁：喂，师父，为乜你画啲咸湿公仔呀？陈梦吉：兴奋冇？（龙二哥等候紧差遣）陈梦吉：龙二哥，呢镬我靠你嘞。龙二哥：请讲。陈梦吉：指证阿欢嗰班所谓证人一定系受到人收买同恐吓。家吓（现在）我以其人之道还治其人之身。拜托你出去刮返友仔用满清十大酷刑嚟迫佢哋讲出真相。龙二哥：好桥！你点谂到架？陈梦吉：系用我脑谂嘅。龙二哥：放心！包喺我身上。

（龙二哥挞咗喺地下）龙二哥：冇事！冇事！包喺我身上。放心！包喺我身上。（又跌一次）吕忍：龙二哥认真唔掂（不行，反义词搞掂）。　打官司第二堂（第二日，案件继续审理）陈梦吉：大人，我想传召一位新证人。主控官：咩证人咁巴闭（牛逼）呀？陈梦吉：你老窦！主控官：抗议！你敢用粗口闹我？法官：你唔好剩系识反对，揾次听人讲得唔得呀？陈梦吉：传召何西爵士。真系你老窦！

（何西出场）何西：陈梦吉。陈梦吉：辛苦晒你呀爵士，请！陈梦吉：请跟我讲，我谨以挚诚宣誓。爵士，你认识被告何欢嘅咩？何西：唔识，不过佢好——好似我妾侍阿如花。陈梦吉：咩呀？你同你妾侍有骨肉架咩？何西：我有个仔叫做阿念西，不过佢已经死咗嘞。陈梦吉：点样死法？何西：呢层唔知。陈梦吉：点会唔知呢？何西：噉我哋失散咗成廿年（二十年）啦嘛。陈梦吉：噉何故话佢死咗呀又？何西：嗰日见到佢条尸体。陈梦吉：冇见廿年，噉都认到系你嘅仔？何西：我嚟见到条尸体嘅屁股呀。陈梦吉：屁股？何西：系吖。个屁股嘅右边有个等边三角形嘅胎记，噉条尸体咪系佢啰。陈梦吉：爵士，所谓世事冇绝对，有阵讲你都唔信。欢，唔使我教嘞吓哗？重唔除裤？阿欢：哦！

何西：噉之前嗰个呢？陈梦吉：前嗰啲斋见屁股，样未见过。胎记嗰啲画上去未定嘅啫。何西：画上去？噉佢咪系念西？陈梦吉：今日你哋骨肉重逢，可喜可贺呀！何西：念西！陈梦吉：念西！念西！念西！（何西喷血）唔好咁激动！唔好咁激动！人嚟啦！照顾爵士啊！陈梦吉：大家睇到吖嗱（了吧，语气词），何爵士亲口承认被告就系佢个仔。呢镬嘢噉样搞法呢，极有可能系一宗阴谋夺产伦理伦常油艇仔陷害大冤案嚟架。主控官：但系正话（刚刚，意思等同啱啱）证人所讲嘅说话冇响《圣经》面前宣誓，所以唔接纳成为呈堂证供嘅。陈梦吉：宣誓咗喇。主控官：佢只手掂住本《圣经》，但未读出誓词啊！

陈梦吉：得得得！再来！（可惜，爵士死咗嘞）大人，虽然发生咗件咁不幸嘅事，但系证人临死前所讲嘅嘢——主控官：当冇听过。陈梦吉：傻架你（傻子吗，你？倒装句），明明讲咗点当冇听过呀？法官：对唔住，法律就系法律，一个字都唔能够改动。陈梦吉，我帮唔到你。陈梦吉：喂，大人，帮到架吓哗？主控官：学嘢喇陈梦吉。陈梦吉：老窦死咗你都冇乜反应，真系要跟你学吓嘢呀。主控官：你重好讲？一日都系你呀！我老窦有心脏病架。如果唔系你揾佢做证人架，佢唔会死，杀人凶手！对唔住，我父亲啱啱过身，我控制唔到自己情绪。我唔得喇。主控官：做咩呀？陈梦吉：超！你诈喊？你死呀你？一滴眼泪都冇架。喂大家睇清楚啲呀嗱（语气词）。干睁睁架。你重唔系有景轰吖嗱？断正畀我呀嗱。讲，做乜诈喊？

主控官：仆街啦你！法官：控辩双方，请你哋尊重自己身份好唔好？陈梦吉：咪住，大家听我讲古仔先。从前有个何西爵士，乃系香港名门望族，有一长子曰何中。爵士年纪老迈，长子承继家产乃系理所当然，点知（哪曾想），中途杀出一个油艇仔（母亲改嫁带过去的儿子，女儿叫油艇女，含贬义）何欢。

哼哼！有人担心家产地位不保，把心一横，派出其头马何春，将油艇仔嚟暗杀，唔知点解呀（不知道怎么回事），暗杀失败，有人即刻将计就计，将何春杀死，再将罪名嫁祸落呢个可怜嘅油艇仔身上。哇！何止心狠手辣，无法无天之尤者也。（主控官一身冷汉）唔知大家对于我呢个假设点睇呢？

主控官：（大笑）哈哈哈！！！陈梦吉：主控官，你笑咩呀？主控官：我笑你编呢个古仔无知兼白痴呀！陈梦吉：咁无知兼白痴嘅嘢你都听到标晒冷汉，都算奇特！陈梦吉：（加重语气）主控官！！案发当晚你喺边？主控官：喺屋企。陈梦吉：喺屋企做咩呀？主控官：睇书。陈梦吉：睇咩书？主控官：《玉蒲团》。陈梦吉：睇到边度？主控官：睇到潘金莲同阿……同阿……陈梦吉：同阿唐三藏吓哗？

主控官：啊！同阿唐三藏……（突然醒起）唐三藏《西游记》嘅，你想跣（陷害）我？陈梦吉：咦，叻仔！噉同阿边个得架实在？主控官：我做咩要答你问题呀？（情绪越嚟越激动）陈梦吉：咪系？我都唔知你做咩要答我，攞架嚟丢。主控官：陈梦吉你好咯。陈梦吉：抹抹汉先吖。（攞（拿）出手巾）陈梦吉：好深眼袋！呢排（最近，近期）瞓得唔好定呢？何春晚晚都有嚟问候你咧？主控官：大人！陈梦吉：讲埋先啦，嗰晚你究竟喺屋企做咩啫（干什么。常用）？主控官：（情绪失控）我咪讲咗畀你听啰！我喺屋企睇《玉蒲团》啊！陈梦吉：唔系讲杀何春嗰晚嗱，系讲紧杀佢之前嗰晚嗱。主控官：杀佢之前一晚我去咗……（讲漏嘴）众人：噢！——

吕忍（兴奋）：Yeah!阿欢：哼！死未？哈哈！主控官：大人！我要求结案陈词。陈梦吉：结你老美！讲埋你杀人之前嗰晚喺度搞咩先吖？法管：庭警！！！！（两法警行去主控官面前，谂住带佢走）法官：唔系佢，系陈梦吉！陈梦吉：啊！！咩料呀（怎么个意思）？（大跳一下，四个法警将陈梦吉捉住）法官：辩方发表咗好多个人意见，都几精彩，不过唔依法律程序……陈梦吉：喂，唔使跟到咁足吓哗？法官：你噉即系再三藐视法庭。噉，我冇办法，我唯有依例判你监禁一天，即时执行。陈梦吉：喂，讲笑咋啩大人？畀吓面好大人？唔系真架吓哗？吕忍：老公！老公！

（法警将陈梦吉拉走）陪审员张铁生：法官大人！刚才我哋听到嘅嘢系咪（是不是）又可以当冇听过呢？法官：由于刚才证供唔合法律程序，各位陪审员完全绝对要当未听过。陈梦吉由助手吕忍代表，明日结案陈词。手足：Court!