郑中基演唱会现场经典完整版（梁汉文与方力申惊喜现身）

郑中基《One More Time世界巡回演唱会》昨晚在红馆举行第3场，适逢是大年初二放烟花，演唱会改为晚上9时35分开始；而圈中捧场客有林家栋、黄又南及余香凝等。表演嘉宾方面，郑中基除继续与父亲郑东汉和囡囡郑梓乔上演三代同堂温馨合唱外；还请来曾于《美女厨房》合作过的好拍档梁汉文（Edmond）和方力申惊喜现身，一起合唱改编歌词的串烧歌，歌词更鬼马的提到「成龙个仔唔识煮嘢食....陈冠希唔怕『辣挞』食尽中西日韩餐」。

3人又大放笑弹！Edmond先问观众有没有挂住他们？小方反问：「挂住乜先？系坑渠水味意粉还是屎味鱼蛋？」郑中基则说：「十年无睇过《美女厨房》喇。」Edmond更正道：「人哋最近都有做。」小方反驳指：「嗰个系假㗎！」Edmond再谓：「你都痴痴哋！以前话奶系假，依家又话个节目系假。」

郑中基就建议再合作做一辑《美男厨房》，怎料小方指二人变了，原本的『美女』几好。郑中基解释：「我哋已经有家室，唔可以再乱咁食嘢。」小方投诉道：「你哋两个上晒岸、升晒呢有家室，但我仲系single，当年我唔系single就安分守己，依家single就要食自己。」郑中基笑指如果小方想快点有女朋友就去投胎。小方续谓：「我真系好需要，因为好耐无搞过，真系好想搞......返个节目！等我听日返去同TVB倾吓。」郑中基即喝止小方，指不一定要TVB，现在还有ViuTV。Edmond更雄心壮志说：「新一年要有大志，我哋唔应该搞个节目，要直接搞个电视台，播晒我哋慨歌和戏，仲要搞埋颁奖礼，全部奖都系我哋攞，我连电视台个名都谂埋，就叫做『T Viu B』。随即3人兵分路向观众逗利是，笑言是集资开电视台，并且会尽快开台。最后以《无赖》作结演唱会。

此外，当晚亦闹虾碌！郑中基演唱《想爱你》时突然甩嘴，他一脸歉疚道：「真系唔好意思，咁多场都未试过，都唔知点解会咁，我系唔容许自己咁样！」随即重唱一遍，唱完后再自嘲：「离晒谱，突然发台瘟！」